MAADHIMISHO YA WIKI YA UNYONYESHAJI YAFIKIA KILELE MKOANI MANYARA

Imechapishwa Tarehe: August 7th, 2018

Maadhimisho ya wiki ya unyonyeshaji wa maziwa ya mama kwa mtoto   yalifikia kilele   siku ya jumanne ya  tarehe 7/8/2018 mkoani Manyara  wilaya ya Babati katika kijiji cha Nakwa ambapo  Mganga mkuu wa Halmashauri ya mji wa Babati Bw.Charles Mtabho  alisema maadhimisho hayo yalilenga kukumbushana   kuelemishana , kuahamasishana na kuepeana elimu juu ya unyoyeshaji .

Pia alisema “nimefurahishwa na kina mama  wa  kijiji hiki kuwa wameelimika na wameuthibitishia umma kuwa watoto wao wana afya njema  na nawaomba  kina  mama hawa  waendelee kunyoyesha  mpaka watoto wao watakapofikisha miaka miwili”, pia alisema kuwa wao kama wahudumu wa afya wako mstari wa mbele kuhakikisha jamii inaiga mfano kutoka kwao  sio kwa maneno tu bali pia kwa vitendo.

Aidha mgeni rasmi katika hafla hiyo Bw.Mabula katika hotuba yake ya maadhimisho ya wiki ya unyonyeshaji  ililenga uhamasisha kwa kina mama kuwanyonyesha watoto wao katika miezi sita ya mwanzo  kwani humpa mtoto asilimia 50  ya nguvu ambazo mtoto huitaji katika miezi sita ya mwanzo na asilimia 35 katika miezi sita hadi kumi na mbili  na pia  alisema unyoyeshaji hupunguza kupata  saratani ya matiti na kizazi pia ni  rafiki wa kiuchumi na humsaidia mtoto kupata virutubisho sahihi kwa ajili ya ukuaji wa akili na mwili.

Bw. Mabula aliwaahidi wananchi kutekeleza huduma mbalimbali kama ya usafiri ,uwepo wa takwimu za kijiji na wilaya na  alifurahishwa na muamko wa wanawake waliopata elimu ya unyonyeshaji na  jinsi ambavyo wakina mama hao wamejikita kujikwamua kiuchumi  katika kilimo cha bustani na ufugaji wa wanyama wadogowadogo ambapo wanaingia katika siku elfu moja za unyonyeshaji.

Kauli mbiu ya mwaka huu ni “UNYOYESHAJI WA MAZIWA YA MAMA NI MSINGI WA MAISHA”

(Kwa Picha mbalimbali za matukio ya wiki ya unyonyeshaji angalia Kituo cha Habari kisha nenda Maktaba ya Picha)

Imeandikwa na: Isabela Joseph (Mwanafunzi wa UDSM(SJMC)- Mafunzo kwa vitendo)